<<蝦蝦霸霸二段丼>>
最近好hit嘅二段丼，除左有魚生同松葉蟹揀之外，依家又多一個新選擇啦！！就係人見人愛嘅龍蝦啦😍😍😍一次過食哂成隻龍蝦，好過癮呀！！店員仲會幫我地拎個蝦頭去煲味噌湯(加$)。
龍蝦肉幾彈牙，海水味較重，有點偏咸。下層嘅沙律魚生飯幾好食，比起極上二段丼嘅下層蟹膏飯，好食好多！
* * *
<<海鮮丼-極丼>>
有兩件大拖羅😍魚香充足，可惜略為有筋，未能達致入口即溶嘅境界。反而油甘魚非常正，大大件厚切，新鮮好味！海膽份量都幾多，我比較喜歡之前採用嘅加拿大海膽，應該因應當造嘅季節而轉換。甜蝦、帆立貝食落都新鮮！
* * *
餐廳:弘
地址:灣仔灣仔道221A地下